Kjole av vintage sengesett

Brukte same mønster som tunikaen, men syntest den vart litt kort til kjole så eg sydde på ei kappe med blondekant.
Då vart den for sid, så eg sydde eit brettelegg på kappa og no er den passe.
Stoff er vintage sengesett, ein bit stretchjersey frå S&S, og blonda frå gamletantene mine.

redesign av genser

Bolen her er klipt ut av ein nesten ubrukt topp, ermar og ribb frå S&S.

Eige mønster. Biletet er ein liten figur eg har frå då eg var lita,

veit ikkje om det er ein romfarar eller ein dykkar...
Dette vert ein genser til minstemann.

redesign av bukse II

Denne er også utklipt av ei gammal bukse. Ribb oppe og nede.
Strykebiletet er av ein av figurane eg hadde som vognpynt på dukkevogna mi.

redesign av bukse

Denne har eg klipt ut av mannen si gamle dongeri.
Sette grå ribb i oppe, og strikk nede.

vesker til marknad

Er ferdig med tre vesker av sengekle og med påsydde band. Likar fasongen på desse veskene, såg dei fyrste gong på Martha Stewart. Klipte for frihand, sikkert ikkje så lurt for det vart litt vanskelig å få til hankane..

redesign til minstemann

Utgangspunktet var ei "oppbrukt" bukse og ein topp. Eg brukte nedste del av buksebeina, heile vidda. La på ei buksemønster for å få til passform i skritt. Ribben klipte eg av toppen. Laga ei lomme og to knebøter, då hadde eg ikkje meir stoff. Dvs. eg har øvste delen som skal verte ei kort ballongbukse, og motivet på toppen ligg i ei samlekasse til eit lappeteppe.

redesigna topp

Her er toppen nesten ferdig. Veit ikkje om eg skal ha noko meir på den enno. Har ikkje brukt mønster, berre klipte av toppen etter å ha målt når eg hadde den på. Stoffet eg la mellom dei to delane, tok eg breidast mogleg, rynka det og sydde alt saman. Topp frp Noa Noa, viscosejersey frå Stoff og stil.

topp til redesign

Inne på Sykroken skal vi sy oss ein sommarkolleksjon av fem plagg. Denne toppen som må vere av eit raskt krympande stoff, skal gjerast om til ein eg forhåpentlegvis kan bruke i sommar. Dette er altså før-biletet..

resirkulert dongeribukse og ny hue til minstemann

Buksa er av avklipte buksebein, lua er eit rektangel med ei applikert løve og ribb. Støvblå stretch chenille og oransj ribb frå Stoff og stil, applikasjon klipt av ein gamal genser.

resirkulert julepynt

Eg skal vere med på ein minijulemarknad på fredag og har laga litt julepynt til det. Eg har brukt kopar frå gamle ledningar og delar frå gamle smykker.

redesignkonkurranse

Er med i ein redesignkonkurranse på Sykroken, og nytta samstundes høvet til å prøve nyemaskina. brukte ei gammal t-skjorte til utgangspunkt, og så komplementerte eg med turkis ribb frå Stoff og stil. T-skjorta var veldig levjete, så det vart ikkje eit supert resultat, men kjekt å få sy med overlock.

skjørt av gamalt dynetrekk og laken

prøvebukse 3

Ei rosa knebukse til jenta mi. Det vart ikkje heilt beine legg i midja, men vi får sjå korleis den vert når ho får prøvt den på..

ei prøvebukse til

Sidan den andre buksa vart litt stor, ville eg prøve meg på ei selebukse av samme mønster. Tok det litt inn, og sydde innlegg og kanteband i same stykket av ribbstoff. Det var ikkje enkelt så eg fekk det ikkje fint, men buksa kan nok brukast likevel.

prøvebukse

Ei prøvebukse laga av eit sengesett eg fekk med eine bestemora mi. Har brukt eit mønster til 1 år, men jenta mi på 7 fekk på seg denne. Den var eigentleg til minstemann, så vi får gøyme den ei stund..

dongeriskjørt

Dette er sydd av nokre avklipte buksebein. Kanta med skråband nede. Biletet er redigert før eg skreiv det ut på inkjet iron-on transfer paper og strauk det på. Noko strekk i linningen bak.

Teppe til leikegrind

Dette er slikt eg helst vil gjere, resirkulere. Teppet er laga av ein gammal duk, ein genser, ei t-skjorte og ei sparkebukse med rar fasong. Bitefiguren vart laga av restane. Begge deler godt brukt, heldigvis.